Ermitaberri Ikastetxe Publikoa
Ermitaberri Ikastetxe Publikoa Burlatan euskarazko irakaskuntza dohainik eskaintzen duen eskola bakarra da.
Dakizuenez, abenduaren 22an, Ermitaberrin Olentzero eta Mari Domingiren etorrera ospatuko dugu.
Burlatan zehar 12:30etik 13:30era egingo dugun Kalejiran parte hartzera gonbidatu nahi zaituztegu. Bertan, Lehen Hezkuntzako ikasleek hartuko dute parte.
Gogora ezazue ikasleak, urtero bezala, baserritar jantziarekin etorriko direla.
Apirilaren 1ean Korrika Txikia ospatuko dugu Burlatako eta Atarrabiako eskola eta institutuen artean. Ibilbidea Atargin 11:30etan hasiko da eta azken ekitaldia 13:00etan izango da Ermitaberriko patioan. Eskola eta institutu bakoitzak ibilbide osoaren zati bat egingo du.
2022ko otsailaren 25ean Ermitaberrin inauteriak ospatuko ditugu. Honako hau izango da aurtengo egitaraua:
Poztasun handiz Ene Kantak taldearen ikuskizunera gonbidatu nahi zaituztegu, “Ene Kantak dantzan” hain zuzen ere. Ermitaberri Ikastetxe Publikoak antolatua, Erripagañako karpa finkoan ordu erdiko dantzaldi xumea eskainiko digute Enekok eta Nereak, otsailaren 18an, ostirala, arratsaldeko 18:00etatik aurrera.
Ermitaberri Ikastetxe Publikoan, hezkidetza-eskola garen aldetik, metamorfosiaren garai hau
modu positiboan erabiltzeko asmoa dugu, eta gure ikasleak mozorroen bidez askatasunez
adieraztera gonbidatzen ditugu.
Aurten, Inauterien gaiaren bidez, historian zehar emakumeak izan duen papera aitortu nahi
izan dugu. Emakume erreginak, zientzialariak, margolariak, diseinatzaileak, astronautak eta
hegazkinlariak ere badaudelako.
Ikasmaila bakoitzak, horietako bat aukeratu du bere mozorroa inspiratzeko.
Aurten Agate Deunaren bezpera ospatzeko ohiturari jarraipena eman diogu, iaz pandemia zela eta ezin izan genuen burutu eta. Ermitaberriko patioan , ikasle eta irakasleek elkarrekin abestu dugu.
