2018-12-23an berritua ARGAZKIEKIN: Mari Domingi eta Olentzero Ermitaberrin izan ditugu berriz ere. Ilusioa sortzeko etorri zaizkigu eta benetan lortu dute! Giro goxo eta alaiean gure kanta ederrenak eskaini dizkiegu. Ikusi bideoa eta gozatu:
Ospakizunak
Olentzero-Mari Domingi 2018 – Egitaraua
Dakizuenez, datorren ostiralean, abenduaren 21ean, Olentzero eta Mari Domingiren etorrera ospatuko dugu. Ondoren, egun horretako egitaraua ikus dezakezue.
Burlatan zehar 13:00etik 13:45era egingo dugun Kalejiran parte hartzera gonbidatu nahi zaituztegu. Bertan, Lehen Hezkuntzako ikasleek hartuko dute parte. Honen ondoren, ikasleak eskolan sartuko dira Olentzero eta Mari Domingiri agurra emateko. Familiek kanpoan itxoingo duzue ikasleak atera arte.
Gogora ezazue ikasleak, urtero bezala, baserritar jantziarekin etorriko direla.
Bide batez, egun honetan ordutegi berdina izango dugula aipatu nahi dizuegu. Beraz, arratsaldean, ez da eskolaz kanpoko ekintzarik izango.
Jantokiak ere bere eguneroko ordutegia mantenduko du.
Eskolara urtarrilaren 8an bueltatuko gara oporraldiaren ondoren.
Eguberri on !!
Euskaraldia Ermitaberrin – Bideoa
Aurreko ostiralean Euskaraldiari hasiera eman genion Ermitaberrin eta honako argazki polit hauek ikusteko aukera izan zenuten. Baina hoiek ez dira denak! Oraingoan argazki guztiak biltzen dituen bideotxo bat egin dugu. Disfrutatu!
Euskaraldia Ermitaberrin – Argazkiak
Gaur egun berezia dugu, izan ere Euskaraldiari Ermitaberrin hasiera emango diogu. Festa hasi baino lehen, Haur Hezkuntzako ikasleekin, eta 1. eta 2. mailakoekin ere, jostaldi garaian Guraso Elkarteak prestatu dizkigun Photocall eder hauekin momentu dibertigarriak bizi izan ditugu.
Euskaraldia Ermitaberrin
Azaroaren 23an, goizeko 12:30etan, Ermitaberriko patioan Euskaraldiari hasiera emango diogu. Guraso Elkarteak biziki lagunduta, ondoko ekintzak egingo ditugu:
Argazki orokorra
Txupinazoa
Txapak jarri: ikasle bakoitzak Ahobiziren bere txapa soinean jarriko du.
Dantza: etxean ere entsaiatu dezakezue… Hemen dantzaren bideoa.
Gosari osasuntsua: 13:00etan patioan fruta jango dugu, denok elkarrekin. Gosari Osasuntsuak proiektua, beraz, egun honetan eskola osoari zabalduko diogu.
Photocall: Euskaraldiaren photocall desberdinak prestatu ditugu, nahi duenak bere burua bertan irudikatzeko.
Musika eta dantza librea
Azaroaren 30a arte ikasleekin unitate didaktiko ezberdinak landuko ditugu Euskaraldian sakontzeko.
Haurraren Eguna 2018 – Saridunak
Haurraren Eguna dela eta, Burlatako Udalak Marrazketa lehiaketa antolatu du Burlatako ikastetxeen artean. Ermitaberrin ikasle guztiekin parte hartu dugu, 3 urteko ikasleekin hasita Lehen Hezkuntzako 6. mailako ikasleak arte. Marrazki lehiaketan gure eskolako honako ikasleak saridunak izan ditugu. Zorionak denei !!