Ermitaberri Ikastetxe Publikoa
Ermitaberri Ikastetxe Publikoa Burlatan euskarazko irakaskuntza dohainik eskaintzen duen eskola bakarra da.
Osasun Departamentuak eta Hezkuntza Departamentuak antolaturik, Nafarroako ikastetxeetan esnea banatzeko planean parte hartuko dugu.
Honen helburua elikatze ohitura osasungarriak bultzatzea da, bertako produktuak ezagutaraztearekin batera.
Programa hau, 2019/2020 ikasturtetik aurrera, Ermitaberriko ikasle guztientzat bideratua dago. Aurten, azaroan hasiko da eta astero 0,50 litro inguru banatuko ditugu ikasle bakoitzeko.
Ermitaberri Ikastetxe Publikoan aurrera daramagun SKOLAE programaren garapenaren osagarri gisa eta familia batzuen eskaerari erantzuteko, Mayra Pérez Suárez, Sexologoa eta Burlatako EAZ zentruko Hezitzailearekin harremanetan jarri gara, Lehen Hezkuntzako 5. eta 6. mailako familiei zuzendutako Sexualitate eta afektibitate gaiaren inguruko formakuntza tailerra egiteko.
Jarduera hau maiatzaren 28, 29 eta 30ean izango zen, arratsaldez 15:30etatik 17:15etara.
Azken urteotan bezalaxe, Ermitaberrin Nafar Gobernuak fruta eta barazkiak jateko bultzatzen duen kanpainan parte hartuko dugu, “Osasuntsu Hazi” programan hain zuen ere. Osasuntsu Hazi programa Haur Hezkuntzako ikasle guztiei eta Lehen Hezkuntzako 1. eta 2. mailako ikasleei zuzendua dago. Hemen informazio gehiago duzue.Osasuntsu Hazi programa 2019ko otsailaren 25ean hasi zen eta 13 asteko iraupena izango du, ekainaren 14a arte, hau da, ikasturtea bukatu baino astebete lehenago. Horrela, 13 aste hauetan zehar Nafar Gobernuak fruta eta barazkiak dohainik banatuko ditu. Beraz, “Hamaiketako Osasuntsuak” proiektuaren osagarri gisa, fruta eta barazki ezberdinak egunero banatuko dizkiegu Haur Hezkuntzako eta Lehen Hezkuntzako 1. eta 2. mailako ikasle guztiei, ikasturte osoan zehar egiten dugun bezala. Ekaineko azken astean, 17tik 21era alegia, fruta eskolak erosiko du, Hamaiketako Osasuntsuak proiektuari so eginez.
Osasun Departamentuak eta Hezkuntza Departamentuak antolaturik, Nafarroako ikastetxeetan esnea banatzeko planean parte hartuko dugu.Honen helburua elikatze ohitura osasungarriak bultzatzea da, bertako produktuak ezagutaraztearekin batera.Programa hau Haur Hezkuntzako ikasle guztientzat eta Lehen Hezkuntzako 1. eta 2. mailako ikasleentzat bideratua dago.Astero, 2019ko otsailaren 25etik aurrera ikasturtea bukatu arte, 0,50 litro banatuko ditugu ikasle bakoitzeko. Esnea goi kalitatekoa izanen da, gertuko ekoizle batena, eta edateko unerik onenean egongo da.Alergia kasu guztiak kontuan izango ditugu. Aldi berean, familiaren batek programari uko egin nahi badio, etor zaitezte Zuzendaritzara horren berri ematera.
Datorren asteartean, 2019ko otsailaren 18an, 11:00etatik 13:00etara, Lehen Hezkuntzako 3., 4., 5. eta 6. mailako ikasleak Burlatako Kultur Etxera joango dira antzezlan bat ikustera.
Lan honek “Nautilus” du izena eta ingelesez izango da, Ermitaberri eta Atargi eskolako Ingelesa departamentuek elkarrekin antolatutako ekintza baita. Antzezlanari buruzko informazioa zabaltzeko egin klik hemen.
Psikomotrizitateak haurraren garapenean berebiziko garrantzia du. Ermitaberri Ikastetxe Publikoan praktika honi denbora eta espazioa eskaintzen diogu, ikasleen berezko edo bat-bateko adierazpenari lekua eginez. Helburua, mugimendua eta plazerraren bidez haurren garapen psikologikoa laguntzea da, material zein babes egokia eskainiz.
Egunero hasierako erritual batekin hasten gara, horretarako, zapatilak txukun utzi eta prestatzen gara.
