Ermitaberri Ikastetxe Publikoa
Ermitaberri Ikastetxe Publikoa Burlatan euskarazko irakaskuntza dohainik eskaintzen duen eskola bakarra da.
Aspaldiko partez, Ermitaberrin Olentzero eta Mari Domingirekin antolatzen ditugun ekintzak berreskuratu ahal izan ditugu, pandemiaren nondik norakoak ahaztu eta gero.
Horrela, goiz goizetik patioan harrera egin diegu gure pertsonaiei Lehen Hezkuntzako ikasleekin. Ondoren, eskolara sartu eta han Haur Hezkuntzako ikasleak zain genituen, hauekin batera denok gure kanta eta dantza hoberenak eskaintzeko asmoz. Betiko giro bikaina izan dugu, irudietan ikusi dezakuen bezala.
Dakizuenez, abenduaren 22an, Ermitaberrin Olentzero eta Mari Domingiren etorrera ospatuko dugu.
Burlatan zehar 12:30etik 13:30era egingo dugun Kalejiran parte hartzera gonbidatu nahi zaituztegu. Bertan, Lehen Hezkuntzako ikasleek hartuko dute parte.
Gogora ezazue ikasleak, urtero bezala, baserritar jantziarekin etorriko direla.
Urtero bezala, Burlatako Cáritas-ek, San Blas eta San Juan elizen bitartez, elikagaien bilketa kanpaina antolatu du Burlatan une larriak pasatzen ari diren familien artean banatzeko.
Gogoratu, batez ere eskatzen diren elikagaiak hauek direla: esnea, azukrea, arroza, olioa, eltzekariak (dilistak, txitxirioak, babarrunak…), kontserbak eta turroiak.
Janariak eskolako Atezaintzan bilduko ditugu abenduaren 14a arte.
Urtero bezala, ikasleen kalifikazioak EDUCAren bitartez ikusi ahal izango dituzue. 2022/2023 ikasturte honetako hiruhileko bakoitzeko argitaratze datak honako hauek dira:
Ermitaberriko hezkuntza komunitatean bermatuko ditugun harremanen eta praktika egokien bilduma aurkezten dugu.
2022/2023 ikasturtean zehar Ermitaberriko ikasleekin egingo ditugun ekintza osagarri guztiak aurkezten ditugu. Edozein aldaketa izatekotan (datak, ekintza berriak, etab.) hemen argitaratuko ditugu.
