Ermitaberri Ikastetxe Publikoa
Ermitaberri Ikastetxe Publikoa Burlatan euskarazko irakaskuntza dohainik eskaintzen duen eskola bakarra da.
Urtero bezala, Burlatako Cáritas-ek, San Blas eta San Juan elizen bitartez, elikagaien bilketa kanpaina antolatu du Burlatan une larriak pasatzen ari diren familien artean banatzeko.
Gogoratu, batez ere eskatzen diren elikagaiak hauek direla: esnea, azukrea, arroza, olioa, eltzekariak (dilistak, txitxirioak, babarrunak…), kontserbak eta turroiak.
Janariak eskolako Atezaintzan bilduko ditugu abenduaren 14a arte.
Azken urteotan bezalaxe, Ermitaberrin Nafar Gobernuak fruta eta barazkiak jateko bultzatzen duen kanpainan parte hartuko dugu. Programa hau, Haur Hezkuntzako ikasle guztiei zuzendua dago.
Fruta banaketa 2022ko apirilaren 12an hasiko da eta 10 asteko iraupena izango du, ekainaren 22a arte, hau da, ikasturtea bukatu arte. Horrela, 10 aste hauetan zehar Nafar Gobernuak Haur Hezkuntzako ikasleentzat fruta eta barazkiak dohainik banatuko ditu.
Ermitaberri Ikastetxe Publikoan, hezkidetza-eskola garen aldetik, metamorfosiaren garai hau
modu positiboan erabiltzeko asmoa dugu, eta gure ikasleak mozorroen bidez askatasunez
adieraztera gonbidatzen ditugu.
Aurten, Inauterien gaiaren bidez, historian zehar emakumeak izan duen papera aitortu nahi
izan dugu. Emakume erreginak, zientzialariak, margolariak, diseinatzaileak, astronautak eta
hegazkinlariak ere badaudelako.
Ikasmaila bakoitzak, horietako bat aukeratu du bere mozorroa inspiratzeko.
2021/2023 ikasturterako Hezkidetza Identitate Plana aurkezten dugu. Hezkidetza-programak irakasleen hezkidetza-gaitasuna hobetzea du helburu, haiek lortu behar baitute ikasleek gara dezatela gizonek eta emakumeek elkarren arteko berdintasunean bizitzeko beharrezkoa den gaitasun soziala.
Martxoaren 10ean, Baluartera joango gara, antzerki bat ikustera. Antzezlan honek genero estereotipoak apurtu, aniztasuna errespetatu eta berdintasun eta inklusibitatearen aldeko balioak garatzen ditu.
Azken urteotan bezalaxe, Ermitaberrin Nafar Gobernuak fruta eta barazkiak jateko bultzatzen duen kanpainan parte hartuko dugu, “Osasuntsu Hazi” programan hain zuen ere. Osasuntsu Hazi programa Haur Hezkuntzako ikasle guztiei zuzendua dago. Hemen informazio gehiago duzue.
Osasuntsu Hazi programa 2020ko martxoaren 2an hasiko da eta 12 asteko iraupena izango du, ekainaren 5a arte, hau da, ikasturtea bukatu baino bi aste lehenago. Horrela, 12 aste hauetan zehar Nafar Gobernuak Haur Hezkuntzako ikasleentzat fruta eta barazkiak dohainik banatuko ditu.
