Burlatako Udalak 2020/2021 ikasturterako jantokiko dirulaguntza argitaratu du. Ekainaren 3tik 26ra bitartean eskaerak aurkeztu daitezke. 2019/2020 ikasturtean dirulaguntza hau jaso dutenentzat, 2020/2021erako zuzenean berrituko da eskaera hala eginda.
Diru laguntzak
Jantokiko diru laguntzak 2019/2020
Burlatako Udalak 2019-2020 ikasturterako jantokiko diru laguntzak eskatzeko deialdi berria atera du. Eskabideak aurkezteko epea 2019ko Maiatzaren 13tik 31ra izango da.
Udako kanpaldien dirulaguntza 2019
Burlatako Udalak 2019ko euskarazko udako kanpaldietan parte hartzeagatik diru laguntza deialdia zabaldu du. Eskaerak aurkezteko epea 2019 irailaren 15etik urriaren 10a bitarte izango da.
Deialdiaren xedea: Hein batean finantzatzea D ereduko ikasleendako antolatzen diren euskarazko kanpaldietan parte hartzeak dakarren gastua; horietan edukiak ludikoak, kirol arlokoak eta/edo natura arlokoak izanen dira.
Testuliburuen doakotasun programa
2008/2009 ikasturteaz geroztik, Nafar Gobernuak Lehen eta Bigarren Hezkuntzako testu liburuak finantzatu ditu. Doakotasun Programak testu liburuen eta lan koadernoen arteko bereizketa egiten du; horrela, testu liburuak Doakotasun Programan sartzen diren bitartean, lan koadernoak familiek erosi behar dituzte (Lehen Hezkuntzako 1. eta 2. mailetan ezik, ondoren azaltzen dugun moduan).
Maila bakoitzeko testu liburuak Ermitaberriren izenean erosten ditugu. Lehen Hezkuntzako 3. mailatik 6. maila arte, erosketa 5 ikasturtetarako egiten dugu eta denbora tarte honetan ikasleek testu liburuak maileguan berrerabiltzen dituzte. Horregatik, ikasleak ez du testu liburuan ezer ere idatziko eta ongi zaintzeko konpromisoa hartuko du. Ikasturte bukaeran testu liburua itzuliko du eta Ermitaberrin gordeko dugu hurrengo ikasturtean berrerabiltzeko. Testu liburua egoera txarrean itzultzekotan (edo ez balu itzuliko, noski), familiak bere kostea ordaindu beharko luke.
Lan koadernoak, aldiz, familiek erosiko dituzte; horren berri aurreko ikasturte bukaeran hemen eman genizuen.
Lehen Hezkuntzako 1. eta 2. mailetan, Doakotasun Programak ez du testu liburu eta lan koadernoen arteko bereizketarik egiten, material guztia “suntsikor” gisa hartzen delako. Izan ere, liburu hauek bertan idazteko pentsatuak daude berez eta, horregatik, Ermitaberrik urtero berriak erosten ditu ikasleei emateko. Familiek ez dute, beraz, ez testu libururik ezta lan koadernorik erosiko.
Udako kanpaldien dirulaguntza 2018
Deialdiaren xedea:
Hein batean finantzatzea D ereduko ikasleendako antolatzen diren euskarazko kanpaldietan parte hartzeak dakarren gastua; horietan edukiak ludikoak, kirol arlokoak eta/edo natura arlokoak izanen dira.
Garraioaren baldintzak eta araudia
Ermitaberri Ikastetxe Publikoko Erripagañako Garraio Zerbitzuaren baldintzak eta araudia:
Garraio zerbitzurako izen-ematea ikasturte osorako izango da. Beraz, urtero izen-ematea berritu beharko da horretarako dagokion epe barruan.
Zerbitzua ikasturteko eskola egun guztietan zehar eskainiko dugu.
Izen emate honekin batera sinatzaileak orri honetan aipatutako baldintzak onartzen ditu
Haur Hezkuntzako 1. mailako ikasleak, hala nahi izanez gero, ikasturteko lehenbiziko egunean hasi ordez urriaren 1ean hasi daitezke, egokitzapen garaia bukatu ondoren.
Ikasle bakoitzeko hileko prezioa honako hau izango da, beti ere izena eman duten erabiltzaile kopuruaren arabera: