Ingelesa sustatzeko proiektua

Datorren asteartean, 2019ko otsailaren 18an, 11:00etatik 13:00etara, Lehen Hezkuntzako 3., 4., 5. eta 6. mailako ikasleak Burlatako Kultur Etxera joango dira antzezlan bat ikustera.

Lan honek “Nautilus” du izena eta ingelesez izango da, Ermitaberri eta Atargi eskolako Ingelesa departamentuek elkarrekin antolatutako ekintza baita. Antzezlanari buruzko informazioa zabaltzeko egin klik hemen.

Hezkuntza Departamentuak Winter Time ingelesa ikastaroa antolatu du CNAI-ren bitartez. Ikastaroa haur Hezkuntzako 2. mailatik aurrera DBH-ko 2. maila arteko ikasleentzat dago zuzendua eta Nafarroako herri desberdinetan izango da (Iruña, Sarriguren, Barañain, Tutera, Tafalla, Altsasu, Lizarra, Gares eta Mendavia).

Ikastaroa 2018ko abenduaren 26tik 28ra bitartean izango da, 9:00etatik 14:00ak arte.

Prezioa: 45 euro (Familia Ugarientzat prezio bereziak).

Hezkuntza Departamentuak diru laguntza ematen duenez, plaza kopurua mugatua da eta inskripzio ordena hartuko dute aintzat taldeak egiteko. Izen emateko epea abenduaren 15ean bukatuko da www.cnai.es web orrian edo 948 20 73 43 telefonora deituz.

Ermitaberrin Haur Hezkuntzako 1. mailatik, hau da, 3 urtetatik aurrera, ingelesa lantzen hasten gara. Ikasleak eguneroko kontaktua izaten hasten dira ikuspegi komunikatibo batetik abiatuta.

Entzuten dugunean, irakurtzen dugunean edo besteek egiten dutena begiratzen dugunean ikasten dugu. Hala ere, askoz gehiago ikasten dugu guk geuk gauzak egiten ditugunean, eta guk geuk egindakoak besteei azaltzen dizkiegunean.

Filosofia honi jarraituz, Haur Hezkuntzan ARTIGAL metodoa erabiltzen dugu. Ipuinak dira proiektuaren muina eta bihotza. Ipuinak kontatzen duenari irakasten dio hizkuntzak.

Hizkuntz komunikatiboa erabiliz, Lehen Hezkuntzan aukeratutako ikas liburuekin, gure hizkuntz irakaskuntzari buruzko ikusmolde teoriko-metodologikoak eta helburuak lortzeko edukia eta jarduerak lortuko ditugu. Metodologia eta liburu sail berbera mantentzen dugu Lehen Hezkuntzako 1. mailatik hasita 6. maila arte.