Bigarren urtea izanda, ilusio handiarekin ekin genion kontzertuari, aurreko urteko arrakasta hobetzeko asmoz. Bai lortu ere!! Gure ikasleekin batera Burlatako musika erakundeen laguntza izan genuen. Izan ere, San Blas Abesbatzak gurekin batera kantatu zuen, baita mariachi batek ere. Honez gain, Eneko Yarza ospetsuak show berezia eskaini zigun 5. eta 6. mailako ikasleekin. Sorpresa gehiago ere izan genituen kontzertu osoan zehar. Amaiera, beti bezala, zoragarria.
Musika
Musika Kontzertua 2013
Proiektu honen lehenbiziko kontzertua izanda, sekulako ikusmina sortu zuen eskolako familiengan, baita eskolatik kanpo ere. Oso kontzertu erakargarria, freskoa eta atsegina izan zen, familiek eta, batez ere, ikasleek asko disfrutatu zuten bertan, azken finean hori delako kontzertu hauen helburua. Bukaera benetan hunkigarria bizi izan genuen. Goza ezazue ikuskizunarekin.
Musika Kontzertuak
Ermitaberrin musikari ematen diogun garrantziaren adierazle ikasturte bukaerako Kontzertuak ditugu. 2013an hasi ginen proiektu honekin eta harrez geroztik Burlatako Kultur Etxeko aretoa lepo betetzen dugu gure ikasleen abesti eta koreografia ikusgarriekin. Hemen dituzue eskuragai 2013, 2014, 2016 eta 2018ko kontzertuak, oso osorik, HD eta Full HD erresoluzioan eta soinu kalitate ederrean.
Horrez gain, 2016ko Aupa Zuek flashmob hunkigarria eta bideoklip guztiak 2016ko kontzertuan ere bildu ditugu.
Danborrada
Flashmob Ole-Olentzero
Abenduaren 13a zen, arratsaldeko 16:30ak, eskolatik irteteko ordua jadanik. Haur Hezkuntzako ikasleak dagoeneko atera dira, beren gurasoak agurtu dituzte. Bitartean, gainontzeko ikasleen familiak esperoan daude oraindik. Ordua pasa da baina irteerako musikak oraindik ez du jo. Bat batean, bi ikasle atera dira, biak bakarrik, gurasoen artean azkar mugituz… Ondoren pasatu zena bideoan ikus ezazu:
Eskerrik beroenak eman nahi dizkiegu Ermitaberriko langile guztioi Ole-Olentzeroren flashmob honetan parte hartu eta laguntzeagatik. Eskerrak baita ere guraso guztiei elkarrekin ekintza hauekin disfrutatzen dugulako, eta eskerrak bereziki bai Maialeni, egun berezi honetan etorri eta koordinazioan laguntzeagatik, eta baita Joseri grabazioan laguntzen buru belarri sartzeagatik. Eskerrak, bukatzeko, ikasle guztiei, zuen pazientziagatik eta musikarekiko duzuen grinagatik. Zorionak, benetan!
Ole-Olentzero – Ene Kantak-en grabaketa
2015eko azaroaren 13an Nafar Telebistako langileak Ermitaberrin izan genituen, Ene Kantak-en bideoklip berria grabatzeko asmoz. Ermitaberriko Lehen Hezkuntzako ikasle guztiek, parte hartu dute ikuskizun honetan, Oianerekin ikasitako Ole-Olentzeroren koreografia dantzatuz eta beren trebezia guztioi erakutsiz. Urkok eta Oianek, Ermitaberri irakasle eta Ene Kantak-eko artistak, 250 ikasle gidatuz sesio zoragarria eskaini digute. Bideoklipa dagoeneko hemen duzue: […]