Programa honen helburua ikastetxe desberdinetako ikasleen arteko elkarbizitza bultzatzea da, baita ingelesaren ikaskuntza indartzea eta motibatzea, ingelesa gelatik kanpo erabiltzeko aukera emanez, testuinguru naturaletan. Komunikatzeko eta ikasteko hizkuntza bakarra ingelesa izanen da. Beti ere Lehen Hezkuntzako 5. mailako ikasleek parte hartuko dute.
Txandak
95 ikasleko 27 txanda antolatuko dira, 5 egunekoa bakoitza (festa eguneko asteetan salbu), astelehenetik ostiralera bitarte. Horietan Nafarroako hainbat ikastetxetako ikasleak elkarrekin biziko dira ondoko egoitzetan:
- Irunberriko Sierra de Leyre BHIko egoitzan (Agoizko etorbidea, zk.g.).
- Lekaroz-eko aterpean
- Lizarrako Oncineda aterpean
Gure kasuan, 2020ko ekainaren 8tik 12ra Lekaroz-eko aterpean egingo dugu egonaldia.
Programan eskolako jarduerak ez ezik bestelakoak ere izanen dira, hala nola, kirolak, aisialdikoak eta lantegiak.
Prezioa
Prezioa, kasu orokorrean, 100 eurokoa izango da. Ondoko bi kasuetarako deskontu bereziak izango dira:
- %10eko deskontua, kategoria orokorreko familia ugariei eta familia gurasobakerrei edo guraso bakarreko egoeran daudenei, bai eta %33ko edo hortik gorako desgaitasun aitortua duten pertsonei. Prezioa, beraz, 90 eurokoa izango da.
- %20eko deskontua, kategoria bereziko familia ugariei eta familia gurasobakarrei edo guraso bakarreko egoeran daudenei, ekintza terroristen biktimei (baita ezkontideari eta seme-alabei ere), genero indarkeriako ekintzen biktimei (baita seme-alabei ere) eta %65eko edo hortik gorako desgaitasun aitortua duten pertsonei. Prezioa, beraz, 80 eurokoa izango da.