Maiatza Kulturala martxan da! Hona hemen lehenengo eguneko herri jolas eta eskulan tailerrean egindako argazkiak.
Ospakizunak
Maiatza Kulturala 2019
Dagoeneko prest dugu maiatzan zehar egingo ditugun kultur ekintzen egitaraua, urtero bezala ekintzaz josia. Denon gusturako izango direlakoan antolatu ditugu.
Korrika Txikia 2019 Ermitaberrin – Argazkiak
Iritsi da 2019ko Korrika Txikia. Aurtengoan Ermitaberrin hasi dugu ibilbidea, eta bertan Haur Hezkuntzako ikasleek gure patioari bira bat eman eta Lehen Hezkuntzako mailakoek lekukoa hartu dute, Burlatan barna gure ibilbideari hasiera emateko. Hona hemen Korrika Txikiaren hasierako momentu honen argazki batzuk:
Korrika Txikia 2019
Apirilaren 5ean Korrika Txikia ospatuko dugu Burlata eta Atarrabiako eskola eta institutuen artean. Ibilbidea Ermitaberrin 10:30etan hasiko da eta azken ekitaldia 12:00etan izango da Atarrabiako Udaletxe aurrean. Eskola eta institutu bakoitzak ibilbide osoaren zati bat egingo du.
Orri honetan Ermitaberriri Burlatan zehar dagokigun ibilbidearen zatia ikus dezakezue. Haur Hezkuntzako ikasleek Korrika Txikiari hasiera Ermitaberriko patio barruan emango diote, eskolatik atera gabe.
Ermitaberriko Inauteriak 2019: Burlatako Martingalaren argazkiak
Gure ohiturari jarraituz, Ermitaberrin aurten ere Burlatako Martingala ospatu dugu, Inauteriak alegia. Ospakizuna Lukas Aierbekoren epaiketarekin hasi dugu, 6. mailako ikasleen eskutik. Ondoren, denok elkarrekin Ermitaberriko patioan dantza egin dugu, epaiketaren emaitza ospatzeko. Burlatan zehar kalejiran irten gara, ikasle, irakasle eta gurasoekin, Udaletxe aurrean dantza ere egiteko. Ermitaberrirako bueltan, Lukas Aierbeko gaizkilea erre dugu. Horren aurretik, berriz ere epaiketaren antzerkia eskaini diegu familia guztiei. Lukasen erreketarekin aurtengo Martingalari bukaera eman diogu.
Blas Deuna eta Agate Deuna 2019 – Argazkiak
Agate Deunaren bezpera ospatzeko, Ermitaberrin 5. mailako ikasleak Haur Hezkuntzako geletan kantatzera sartu dira. Haur Hezkuntzako ikasleek abestia ere ikasia dute eta beren makilekin erritmoa ongi aski jarraitu dute. Gaur Burlatan Blas Deuna ere ospatzen dugunez (berez atzo igandea zen Blas Deunaren eguna), ikasleek kantak entzun bitartean beren erroskilak jan dituzte.