Ermitaberri Ikastetxe Publikoa

Ermitaberri Ikastetxe Publikoa Burlatan euskarazko irakaskuntza dohainik eskaintzen duen eskola bakarra da.

Ermitaberri Ikastetxe Publikoa

Osasuntsu Hazi 2019/2020

por

Azken urteotan bezalaxe, Ermitaberrin Nafar Gobernuak fruta eta barazkiak jateko bultzatzen duen kanpainan parte hartuko dugu, “Osasuntsu Hazi” programan hain zuen ere.  Osasuntsu Hazi programa Haur Hezkuntzako ikasle guztiei zuzendua dago. Hemen informazio gehiago duzue.

Osasuntsu Hazi programa 2020ko martxoaren 2an hasiko da eta 12 asteko iraupena izango du, ekainaren 5a arte, hau da, ikasturtea bukatu baino bi aste lehenago. Horrela, 12 aste hauetan zehar Nafar Gobernuak Haur Hezkuntzako ikasleentzat fruta eta barazkiak dohainik banatuko ditu.

Ermitaberriko Inauteriak 2020: Burlatako Martingalaren egitaraua

por

2020ko otsailaren 21ean Ermitaberrin Burlatako Inauteriak ospatuko ditugu, hau da, Martingala. Honako hau gure inauterien egitaraua izango da:

11:15      Ikasleentzako txistorrada

12:20      Aierbeko Lukasen epaiketa eta dantza patioan

12:45      Kalejira Burlatan zehar (euria egingo balu, Kalejira bertan behera utziko dugu eta erreketa aurreratu)

Ibilbidea:

Ermita kalea
Maestras Kalea
Larrañetako Plaza (Dantza)
Hilarión Eslava Kalea
Ermitaberri ikastetxea

13:25    Lukas gaizkilea sutan erreko dugu!

Gero gelara igo

14:00    Irteera

Guraso guztiak gonbidatuta zaudete Martingalan parte hartzeko.

Mozorroturik etorri !!!

Urtebetetzeen ospaketa- Eskolako jantokian askariak

por

Ermitaberrik eskolako familientzat urtebetetzeak ospatzeko zerbitzua eskaintzen du, ikasleria eta familien arteko harremanak bultzatzeko asmoz. Zerbitzua, beti ere, klase egunetan izango da eta eskola orduetatik kanpo, 17:00etatik 18:45era bitartean hain zuzen ere. Erabilera doakoa da eta hauen antolaketa kudeatzeko hurrengo jarraibideak beteko ditugu.

English Week 2020

por

Programa honen helburua ikastetxe desberdinetako ikasleen arteko elkarbizitza bultzatzea da, baita ingelesaren ikaskuntza indartzea eta motibatzea, ingelesa gelatik kanpo erabiltzeko aukera emanez, testuinguru naturaletan. Komunikatzeko eta ikasteko hizkuntza bakarra ingelesa izanen da. Beti ere Lehen Hezkuntzako 5. mailako ikasleek parte hartuko dute.

95 ikasleko 27 txanda antolatuko dira, 5 egunekoa bakoitza (festa eguneko asteetan salbu), astelehenetik ostiralera bitarte. Horietan Nafarroako hainbat ikastetxetako ikasleak elkarrekin biziko dira ondoko egoitzetan:

Agate Deuna 2020 – Argazkiak

por

Urteroko tradizioari jarraituz, Ermitaberriko patioan Agate Deunaren bezpera ospatu dugu, ikasle eta irakasleen artean familien aurrean kantatuz.

Erdian 5. mailako ikasleak jarri dira, gainontzeko ikaskideei erritmoa eta doinua markatzeko.

Blas Deuna eta Agate Deuna 2020

por

Otsailak, 4 asteartea, Blas Deunaren ospakizuna eskola barruan egingo dugu: kantuak abestu ondoren erroskilak jango ditugu.

Egun berean, Agate Deunaren bezpera ere ospatuko dugu. 13:30etan, eskolako ikasle guztiekin batera patioan elkartuko gara abesteko asmoz. Gurekin kantatzera gonbidatzen zaituztegu.