Zuen seme-alabak eskolan matrikulatzeko garaia hurbiltzearekin batera, zuen seme-alaben heziketaren ardura konpartitzeko ikastetxea aukeratzeko ordua iritsi da. Garrantzi handiko erabakia delakoan, Ermitaberriko familiak, irakasleria eta gainontzeko langileriak gure eskola ezagutzera gonbidatu nahi zaituztegu, hurbila, aniztasunarekin konprometitua eta baloreetan oinarritutako hezkuntza proiektua zuekin elkarbanatzeko.
Gure eguneroko lana ezagutzeko gonbitea luzatzen dizuegu, beti ere eskola orduetan. Horrela, Haur Hezkuntzako irakasleekin batera gelan sartuko zarete, haurren lana bertatik bertara ikusiko duzue, baita zalantzak argitzeko aukera ere.
Burlatan D ereduko eskola publiko bakarra den Ermitaberrin ikasleak eleanitzak dira eta euskaraz ikasten dute, hezkuntza curriculumeko ikasgaietan gaitasuna lortzeko. Gure eskolak honako ezaugarriak ditu:
- Familienganako hurbiltasuna.
- Harrera plan malgua, eskolara iristen diren ikasle berrientzat.
- Burlatako bizitzan integratua.
- Herrirako elkartasuna.
- Aniztasunarekiko errespetua.
- Hezkuntza emozionalarekin eta baloreekin konpromisoa.
- Skolae programa hezkidetza lantzeko arlo guztietan integratua.
- Eskola Osasuntsua.
- Ikasleri eleanitza: euskara, gaztelania eta ingelesa.
Ermitaberri ezagutzeko bi aukera ezberdin eskaini nahi dizkizuegu:
- Alde batetik, banan-banako bisita egin dezakezue. 948136668 zenbakira deitu edo gure web orriaren bitartez eskaera egin eta hitzordua adostuko dugu, hurbiletik gure lana ezagutzeko eta Haur Hezkuntzako irakasleekin zalantzak argitzeko. Zuen seme-alabekin etorri zaitezkete, horrela Ermitaberriko bizitza hurbilago sentitu ahal izateko.
- Bestetik, urtarrilaren 21ean, arratsaldeko 17:30etan, Ate Irekien Egunera gonbidatu nahi zaituztegu. Ermitaberriko Areto Nagusian elkartuko gara Ermitaberriko Hezkuntza Proiektua zuekin jorratzeko. Galderak eta iradokizunak egingo dizkiguzuelakoan, bilera bizia eta aberatsa eskaini nahi dizuegu. Haurrentzako tailerrak izango ditugu, bilera bitartean.
2020/2021 ikasturterako onartze prozesuaren laburpena gure web orrian jarratu ahal izango duzu. Bertan, matrikula egiteko pausu guztiak aurkituko dituzu.
Espero zaituztegu!