Ermitaberri eta Hilarión Eslava ikastetxearen artean jaso ditugun 10 eskaerekin, Erripagaña eta Burlata arteko eskola garraio zerbitzua antolatu dugu.
Zerbitzuaren kuota, beraz, 39,50 eurokoa izango da, 10 epetan ordaintzeko. Ikusi hemen erabiltzaile eta kuoten taula.
Irailaren 3an izen-emateko ezohiko epea irekiko dugu. Irailaren 5ean gure web orrian behin-betiko erabiltzaile kopuruaren berri emango dugu, baita honen arabera dagokion kuota. Data honetan ere autobusaren ordutegi zehatza definituko dugu.
Autobusa Ermitaberrira sarrera ordua baino 5-10 minutu lehenago helduko da. Harrera egingo duen irakaslea Haur Hezkuntzako 3. mailako tutore den Karmentxu Erausquin izango da. Klaseak hasi arte, eskolako Liburutegian egongo da ikasleekin, sarrerako musika entzun baino minutu bat lehenago arte eta ikasleria haien geletara eramaten lagunduko du.