2023/2024 ikasturterako onartze prozesuan Nafarroako ikastetxe publikoetan eta pribatu itunduetan aplikatuko den araudia honako hau izango da. Alde batetik, aurtengo onartze prozesua bereziki arautuko duen Ebazpena izango dugu eta, bestetik, onartze prozesua bere osotasunean erregulatzen duten Ebazpena, Agindu eta Erresoluzioak bereiztuko ditugu.
Matrikula
Ate Irekien Eguna 2023
Ermitaberriko hezkuntza proiektuaren berri izateko eta eskolatzeari buruzko edozein zalantza argitu nahi baduzue, edota eskolako instalazioak ezagutu nahi izatekotan, 2023ko urtarrilaren 26an, 16:30etan gure Areto Nagusian egingo dugun bilerara etortzeko gonbitea luzatu nahi dizuegu. Bileran, datorren ikasturteko 3 urteko tutoreekin, besteak beste, informazioa jasotzeko aukera izango duzue. Bilerak ordu bat inguru iraungo du.
3 urtekoen bilera 2022/2023 ikasturterako
2022/2023 ikasturte hasierako antolaketari buruz informatzeko bilera antolatu dugu Ermitaberrin Haur Hezkuntzako 1. mailara sartu berri diren familientzat. Bertan, zalantza guztiak argitzeko aukera izango duzue.
Data: 2022ko ekainak 14, asteartea
Ordua: 16:30
Non: Ermitaberriko Areto Nagusia
Ene Kantak Dantzan Erripagañan
Poztasun handiz Ene Kantak taldearen ikuskizunera gonbidatu nahi zaituztegu, “Ene Kantak dantzan” hain zuzen ere. Ermitaberri Ikastetxe Publikoak antolatua, Erripagañako karpa finkoan ordu erdiko dantzaldi xumea eskainiko digute Enekok eta Nereak, otsailaren 18an, ostirala, arratsaldeko 18:00etatik aurrera.
Ezagutu Ermitaberri
Zuen seme-alabak eskolan matrikulatzeko garaia hurbiltzearekin batera, zuen seme-alaben heziketaren ardura konpartitzeko ikastetxea aukeratzeko ordua iritsi da. Garrantzi handiko erabakia delakoan, Ermitaberriko familiak, irakasleria eta gainontzeko langileriak gure eskola ezagutzera gonbidatu nahi zaituztegu, hurbila, aniztasunarekin konprometitua eta baloreetan oinarritutako hezkuntza proiektua zuekin elkarbanatzeko.
Gure eguneroko lana ezagutzeko gonbitea luzatzen dizuegu, beti ere eskola orduetan. Horrela, Haur Hezkuntzako irakasleekin batera gelan sartuko zarete, haurren lana bertatik bertara ikusiko duzue, baita zalantzak argitzeko aukera ere.
Ate Irekien Eguna 2022
Ermitaberriko hezkuntza proiektuaren berri izateko eta eskolatzeari buruzko edozein zalantza argitu nahi baduzue, edota eskolako instalazioak ezagutu nahi izatekotan, 2022ko urtarrilaren 20ean 16:30etan gure Areto Nagusian egingo dugun bilerara etortzeko gonbitea luzatu nahi dizuegu. Bileran, datorren ikasturteko 3 urteko tutoreekin, besteak beste, informazioa jasotzeko aukera izango duzue. Bilerak ordu bat inguru iraungo du.