Datorren maiatzaren 22an, asteartea, goizeko 12:00etan, Ermitaberriko Lehen Hezkuntzako ikasleek Musika Kontzertua eskainiko dute Burlatako Kultur Etxean, Oiane, Musika irakaslearen gidapean.
Kontzertuaren programan Lehen Hezkuntzako ikasleek ikasturte honetan ikasitakoa erakutsiko dute beren ikaskideen eta beren familien aurrean ere.
Familiei ere gonbitea luzatu nahi dizuegu eta esker onez hartuko dugu zuen bertaratzea. Aretoaren edukiera mugatua denez eta, Lehen Hezkuntzako ikasle kopurua kontuan hartuta, gonbidapenak banatzeko prozedura honako hau izango da:
- Gonbidapenak Idazkaritzan 8:30etik 16:30era jaso ditzakezue.
- Nahitaezkoa da gonbidapena jasotzea kontzertuko aretora sartzeko.
- Lehen Hezkuntzako ikasle bakoitzeko gonbidapen bat maiatzaren 21a arte erreserbatuko dugu.
- Horrela, 60 eserleku libre geratuko lirateke. Gonbidapen hauek maiatzaren 16a eta 21a bitartean banatuko ditugu iritsiera-ordena errespetatuz. Aukera hau Lehen Hezkuntzan seme-alaba bakarra duten familientzat irekiko dugu, eta familia bakoitzak gonbidapen bakarra jaso ahal izango du.
- Gonbidapen hau pertsona heldu batek hartuko du. Ikasleek gonbidapena hartu ahal izateko, beren gurasoen idatzizko baimena aurkeztu beharko dute.