Ermitaberriko Musika Kontzertuaren bideoa prest dugu jada. Ondoko enlazean klik egin eta bideoa zuzenean ikusi ahal izango duzue. Gainera, deskargatu eta gordetzeko aukera ere baduzue, nahi duzuen moduan ikusteko (sakeleko telefonoan, tabletan, ordenagailuan edota telebistan). 4 GB-eko artxiboa da, beraz, tamaina kontuan hartu sakeleko telefonoan ikustekotan edo deskarga egitekotan, datuak oso azkar kontsumitu ditzake eta:
Ermitaberriko Musika Kontzertua 2018
Ermitaberriko laugarren kontzertua dugu jadanik, aurten soilik eskolako baliabideekin burutu dugu. Izan ere, kontzertuan parte hartu dugun guztiok Ermitaberriko hezkuntza komunitatearen kide gara, bai ikasleak, irakasleak, praktiketako irakasleak, baita ikastetxeko langileak ere. Gurasoen laguntza teknikoa ere jaso dugu, Jose eta Oskar beren kamerekin, beraiei esker orain ikusgai duzuen bideoa inoiz baino hobea delakoan gaude.
Besterik gabe, disfruta ezazue ikuskizunarekin.