Ermitaberri Ikastetxe Publikoa

Ermitaberri Ikastetxe Publikoa Burlatan euskarazko irakaskuntza dohainik eskaintzen duen eskola bakarra da.

Archives for ekaina 2018

Garraio zerbitzuaren hasiera

por

Ermitaberri eta Hilarión Eslava ikastetxearen artean jaso ditugun 10 eskaerekin, Erripagaña eta Burlata arteko eskola garraio zerbitzua antolatu dugu.

Zerbitzuaren kuota, beraz, 39,50 eurokoa izango da, 10 epetan ordaintzeko. Ikusi hemen erabiltzaile eta kuoten taula.

Irailaren 3an izen-emateko ezohiko epea irekiko dugu. Irailaren 5ean gure web orrian behin-betiko erabiltzaile kopuruaren berri emango dugu, baita honen arabera dagokion kuota. Data honetan ere autobusaren ordutegi zehatza definituko dugu.

Ikasturte bukaerako festa: agurra

por

Hemen ditugu azken eguneko agurraren argazkiak. Goizean zehar tailerrak antolatu genituen, maila guztietako ikasleentzat. 6. mailako ikasleek dantzak aurkeztu zizkiguten eta, horren ondoren, diploma eta argazkien banaketari ekin genion. Bukatzeko, 5. mailako ikasleek 6. mailakoei beren abestia eskaini zieten. Honen guztiaren laburpena ikusgai duzue:

Skolae: Ermitaberri Hezkidetzan sari berezia

por

Ermitaberrik SKOLAE saria jaso du, oso denbora laburrean ikastetxeko giroa eraldatu duten hezkidetza arloko helburu errealistak eta asmo handikoak finkatzeagatik. Adibidez, komunikazioa, talde-lana eta klaustroaren inplikazioa, webgunea, bloga, etab.

SKOLAE Jardunaldia Baluarten antolatu zen ekainaren 15ean, egun osoan, SKOLAE 2017-2020 Hezkidetza Planaren lehenengo urtean parte hartu duten 16 ikastetxeen lana bistaratu eta aitortzeko asmoz.

“Nafarroako egungo Gobernuarentzat, lehentasunezko helburua da emakumeei zein gizonei, askatasunetik eta aukeren aniztasunetik, bizitza-proiektuak eraikitzeko aukera eskainiko dien gizarte eredua lortzea”, adierazi du Lehendakariak, eta xede horri begira “ikastetxeen eta komunitate osoaren inplikazioa bezain garrantzitsua da familien eta ingurunearen atxikimendua lortzea”, haren esanetan.

Musika Kontzertua 2018 – Bideoa

por

Ermitaberriko Musika Kontzertuaren bideoa prest dugu jada. Ondoko enlazean klik egin eta bideoa zuzenean ikusi ahal izango duzue. Gainera, deskargatu eta gordetzeko aukera ere baduzue. 4 GB-eko artxiboa da, beraz, tamaina kontuan hartu sakeleko telefonoan ikustekotan edo deskarga egitekotan:

Ermitaberriko Musika Kontzertua 2018

Ermitaberriko laugarren kontzertua dugu jadanik, aurten soilik eskolako baliabideekin burutu dugu. Izan ere, kontzertuan parte hartu dugun guztiok Ermitaberriko hezkuntza komunitatearen kide gara, bai ikasleak, irakasleak, praktiketako irakasleak, baita ikastetxeko langileak ere. Gurasoen laguntza teknikoa ere jaso dugu, Jose eta Oskar beren kamerekin, beraiei esker orain ikusgai duzuen bideoa inoiz baino hobea delakoan gaude.

Skolae Azken Jardunaldia

por

Ikasturte honetako SKOLAE, esperientzia pilotuan parte hartu dugun ikastetxeei datorren ekainaren 15ean, Iruñako Baluarten ospatuko den azken Jardunaldian parte hartzeko gonbidapena jaso dugu, ondoren datorren programa izanik:

GOIZA – Lantegiak ikastetxe pilotuetako Lehen Hezkuntzako eta Bigarren Hezkuntzako ikasleekin.

10:00 – “SKOLAE: irudiak eta esperientziak” Erakusketa eta Photocall-a Baluarteko atondoan.

10:30 Lehen Hezkuntzako lantegiak.“Identitate berdinzaleak: esanahiak eta proposamenak”.

Koordinatzailea: Marian Moreno Llaneza, irakaslea eta hezkidetzan aditua.

12:30 – Bateratzea.

13:15 – Klowndorioak Rakel Imaz Quijera eta Isabel Aisa Solaren eskutik, Oihulari Klown antzerki taldea.

13:30 – Baterako argazkia Baluarteko plazan eta agurra.