Aurten Agate Deunaren bezpera ospatzeko ohiturari jarraipena eman diogu, iaz pandemia zela eta ezin izan genuen burutu eta. Ermitaberriko patioan , ikasle eta irakasleek elkarrekin abestu dugu.
Hitzaldia: Gurasotasun positiboa
Urtarrilaren 26an, 17:00etan Ermitaberrin izango dugun hitzaldia aurkezten dugu, “Gurasotasun positiboa beldurrik gabe hezteko”, Ermitaberriko Guraso Elkarteak antolatua. Eskolan aski ezaguna dugun Leticia Garcés gurekin izango dugu hitzaldia emateko.
Ezagutu Ermitaberri
Zuen seme-alabak eskolan matrikulatzeko garaia hurbiltzearekin batera, zuen seme-alaben heziketaren ardura konpartitzeko ikastetxea aukeratzeko ordua iritsi da. Garrantzi handiko erabakia delakoan, Ermitaberriko familiak, irakasleria eta gainontzeko langileriak gure eskola ezagutzera gonbidatu nahi zaituztegu, hurbila, aniztasunarekin konprometitua eta baloreetan oinarritutako hezkuntza proiektua zuekin elkarbanatzeko.
Gure eguneroko lana ezagutzeko gonbitea luzatzen dizuegu, beti ere eskola orduetan. Horrela, Haur Hezkuntzako irakasleekin batera gelan sartuko zarete, haurren lana bertatik bertara ikusiko duzue, baita zalantzak argitzeko aukera ere.
Ate Irekien Eguna 2022
Ermitaberriko hezkuntza proiektuaren berri izateko eta eskolatzeari buruzko edozein zalantza argitu nahi baduzue, edota eskolako instalazioak ezagutu nahi izatekotan, 2022ko urtarrilaren 20ean 16:30etan gure Areto Nagusian egingo dugun bilerara etortzeko gonbitea luzatu nahi dizuegu. Bileran, datorren ikasturteko 3 urteko tutoreekin, besteak beste, informazioa jasotzeko aukera izango duzue. Bilerak ordu bat inguru iraungo du.
Olentzero-Mari Domingi 2021 – Argazkiak
Aurten ere Olentzero eta Mari Domingi Ermitaberrira etorri zaizkigu. Segurtasun neurri guztiak hartuta, harrera berezia patioan egin diegu, gure dantza eta abesti hoberenak eskaini dizkiegu, Gero, taldez talde, gauza bera egin dugu eta, noski, opariak jaso ditugu ere. Hona hemen irudiak:
Gelara eta etxera, musika lagun (2021/2022)
Eskola askotan gelara sartzeko, errekreora ateratzeko, klasera bueltatzeko eta eskolatik ateratzeko seinale gisa txirrina erabili ohi da. Zarata desatsegina zelakoan, eta eskolako megafonia sistemaz baliatuz, klasera sartzeko eta klasetik ateratzeko abisuak musikaren bitartez egiten ditugu.