Hezkidetza

SKOLAE IKASTETXE PILOTUEN KOMUNIKATUA

2017/18 ikasturtean zehar Skolae programa pilotatzen aritu ginen ikastetxe pilotuek irakasle bezala izandako esperientzia iritzi publikoari helarazi nahi diogu.

Urteak daramatzagu ikasgeletan Baterako Hezkuntza lantzen eta konpromiso hau gure ikastetxeetako Hezkuntza Proiektuetan jasota dago. Berdintasunean oinarritutako heziketa ez da berria, ez da egunotan sortutako zerbait eta dagoeneko urte asko daramatzagu baterako hezkuntza lantzen. Konpromiso hau, Hezkuntza Departamentuak agindutako jarraibideetan eta hezkuntza gidatzen duten lege dokumentuetan jasota egon arren, orain arte irakasleriaren borondatearen menpe egon da eta ahalegin eta dedikazioari esker ikasgeletan sartu ahal izan da. Lan honek plan baten beharra eskatzen zuen: eremu eta hezkuntza maila guztietan modu mailakatu batean egituratua egon zedin eta baterako hezkuntza modu eraginkor eta erreal batean landu ahal izateko.

Skolaeri esker, ikasgeletan gizon eta emakumeen arteko berdintasuna lantzeko lege eskakizunari erantzuna eman zaio. Hezkuntza erakundeak eta gure irakasle lanak lege eta arau batzuek gidatzen dituzte, eta hauek, baterako hezkuntzaren egitekoa iradokitzen dute: LOE (maiatzaren 3ko 2/2006 Hezkuntzaren Lege Organikoa) aldatzen duen LOMCEk (abenduaren 9ko 8/2013 Hezkuntzaren Kalitatea Hobetzeko Lege Organikoa), bere helburuen artean “Eskolan, gizonen eta emakumeen arteko berdintasun eraginkorra sustatzen duten balioak garatzea, baita genero-indarkeria prebenitzea ere” jasotzen du bere 1. artikuluan. Kooperatzea eta elkarrekin bizitzea gaitasun sozial eta herritarra lantzeko ezinbestekoak dira, eta ikasleekin diferentzien balorazioa, erlazioetako eta norberaren eremuetako gaitasun afektiboen garapena, biolentziaren aurkako jarrerak, edozein motatako aurreiritziak eta estereotipo sexistak lantzeko bidea ematen digute.

Ermitaberrik SKOLAE saria jaso du, oso denbora laburrean ikastetxeko giroa eraldatu duten hezkidetza arloko helburu errealistak eta asmo handikoak finkatzeagatik. Adibidez, komunikazioa, talde-lana eta klaustroaren inplikazioa, webgunea, bloga, etab.

SKOLAE Jardunaldia Baluarten antolatu zen ekainaren 15ean, egun osoan, SKOLAE 2017-2020 Hezkidetza Planaren lehenengo urtean parte hartu duten 16 ikastetxeen lana bistaratu eta aitortzeko asmoz.

“Nafarroako egungo Gobernuarentzat, lehentasunezko helburua da emakumeei zein gizonei, askatasunetik eta aukeren aniztasunetik, bizitza-proiektuak eraikitzeko aukera eskainiko dien gizarte eredua lortzea”, adierazi du Lehendakariak, eta xede horri begira “ikastetxeen eta komunitate osoaren inplikazioa bezain garrantzitsua da familien eta ingurunearen atxikimendua lortzea”, haren esanetan.

Ikasturte honetako SKOLAE, esperientzia pilotuan parte hartu dugun ikastetxeei datorren ekainaren 15ean, Iruñako Baluarten ospatuko den azken Jardunaldian parte hartzeko gonbidapena jaso dugu, ondoren datorren programa izanik:

GOIZA – Lantegiak ikastetxe pilotuetako Lehen Hezkuntzako eta Bigarren Hezkuntzako ikasleekin.

10:00 – “SKOLAE: irudiak eta esperientziak” Erakusketa eta Photocall-a Baluarteko atondoan.

10:30 Lehen Hezkuntzako lantegiak.“Identitate berdinzaleak: esanahiak eta proposamenak”.

Koordinatzailea: Marian Moreno Llaneza, irakaslea eta hezkidetzan aditua.

12:30 – Bateratzea.

13:15 – Klowndorioak Rakel Imaz Quijera eta Isabel Aisa Solaren eskutik, Oihulari Klown antzerki taldea.

13:30 – Baterako argazkia Baluarteko plazan eta agurra.

Aurreko saioetan, SKOLAE programa ezagutarazi zitzaien familiei. Hezkuntza Sailak sustatzen duen programa honen helburua ikastetxeetan berdintasuna sartzea da. Hortaz, 4. saiorako gonbita helarazi nahi dizuegu. Horretan, 4. ikasketaren inguruan hausnartuko dugu. PROGRAMA:   BERDINTASUNEAN HEZI…ETXEAN (IV) Desberdinkeriaren kontzientzia eta aldaketarako gaitasuna. Autonomia pertsonala eta burujabetasuna. Ahalduntze pertsonala eta taldekoa, lidergoa eta parte-hartze soziala. Sexualitatea, eta […]

SKOLAE proiektua oinarri dituen lau ikaskuntzen hausnartzeko, bigarren saiora gonbidatu nahi zaituztegu. Saio hau, lehenengo saioaren jarraipena dela, eta hartan, familiei, Hezkuntzak, ikastetxeetan berdintasuna integratzeko sustaturiko esperientzia honen berri eman zitzaiela. PROGRAMA: BERDINTASUNEAN HEZI…ETXEAN! Autonomia pertsonala eta burujabetasuna. Sexualitatea, eta indarkeriaren prebentzioa. Ahalduntze pertsonala eta taldekoa, lidergoa eta parte-hartze soziala. Desberdinkeriaren kontzientzia eta aldaketarako gaitasuna. […]