Aurreko ostiralean Euskaraldiari hasiera eman genion Ermitaberrin eta honako argazki polit hauek ikusteko aukera izan zenuten. Baina hoiek ez dira denak! Oraingoan argazki guztiak biltzen dituen bideotxo bat egin dugu. Disfrutatu!
Berriak
Euskaraldia Ermitaberrin – Argazkiak
Gaur egun berezia dugu, izan ere Euskaraldiari Ermitaberrin hasiera emango diogu. Festa hasi baino lehen, Haur Hezkuntzako ikasleekin, eta 1. eta 2. mailakoekin ere, jostaldi garaian Guraso Elkarteak prestatu dizkigun Photocall eder hauekin momentu dibertigarriak bizi izan ditugu.
Euskaraldia Ermitaberrin
Azaroaren 23an, goizeko 12:30etan, Ermitaberriko patioan Euskaraldiari hasiera emango diogu. Guraso Elkarteak biziki lagunduta, ondoko ekintzak egingo ditugu:
Argazki orokorra
Txupinazoa
Txapak jarri: ikasle bakoitzak Ahobiziren bere txapa soinean jarriko du.
Dantza: etxean ere entsaiatu dezakezue… Hemen dantzaren bideoa.
Gosari osasuntsua: 13:00etan patioan fruta jango dugu, denok elkarrekin. Gosari Osasuntsuak proiektua, beraz, egun honetan eskola osoari zabalduko diogu.
Photocall: Euskaraldiaren photocall desberdinak prestatu ditugu, nahi duenak bere burua bertan irudikatzeko.
Musika eta dantza librea
Azaroaren 30a arte ikasleekin unitate didaktiko ezberdinak landuko ditugu Euskaraldian sakontzeko.
Haurraren Eguna 2018 – Saridunak
Haurraren Eguna dela eta, Burlatako Udalak Marrazketa lehiaketa antolatu du Burlatako ikastetxeen artean. Ermitaberrin ikasle guztiekin parte hartu dugu, 3 urteko ikasleekin hasita Lehen Hezkuntzako 6. mailako ikasleak arte. Marrazki lehiaketan gure eskolako honako ikasleak saridunak izan ditugu. Zorionak denei !!
Haurraren Eguna 2018 – Egitaraua
Azaroaren 21an, Haurraren Eguna ospatzeko Burlatako Kultur Etxean ekitaldi berezia izango da 17:30etan. Bertan, Ermitaberriko Lehen Hezkunzako 3. mailako ikasleekin parte hartuko dugu, izan ere “Pirata Tarrapatata” abestia eskainiko dugu. Egitarau osoa honako hau da:
“Pirata Tarrapatata” musika emanaldia, Ermitaberriko Lehen Hezkuntzako 3. mailako ikasleen eskutik
Musika Eskolako emanaldia
Marrazki lehiaketaren sarien banaketa
Kollins pailazoak
Askaria
3. mailako ikasleen familientzako sarrera bana erreserbatu digute. Familia kide gehiagok joan nahi izanez gero, Kultur Etxeko takilatik sarreren bila 16:30etatik aurrera pasatu zaitezkete. Gogoratu sarrerak dohainik direla. 17:00etan soinu froga egingo dugu.
Hortaz gain, Marrazki Lehiaketan parte hartu duten ikasle guztien lanak Kultur Etxean bertan ikusgai izango dituzue. Pasa zaitezte zuen seme-alabekin, Ermitaberrin ekintza honetan ikasle guztiekin parte hartu dugu, Haur Hezkuntza 3 urtekoekin hasita 6. maila arte.
Winter Time 2018: ingelesa ikastaroa
Hezkuntza Departamentuak Winter Time ingelesa ikastaroa antolatu du CNAI-ren bitartez. Ikastaroa haur Hezkuntzako 2. mailatik aurrera DBH-ko 2. maila arteko ikasleentzat dago zuzendua eta Nafarroako herri desberdinetan izango da (Iruña, Sarriguren, Barañain, Tutera, Tafalla, Altsasu, Lizarra, Gares eta Mendavia).
Ikastaroa 2018ko abenduaren 26tik 28ra bitartean izango da, 9:00etatik 14:00ak arte.
Prezioa: 45 euro (Familia Ugarientzat prezio bereziak).
Hezkuntza Departamentuak diru laguntza ematen duenez, plaza kopurua mugatua da eta inskripzio ordena hartuko dute aintzat taldeak egiteko. Izen emateko epea abenduaren 15ean bukatuko da www.cnai.es web orrian edo 948 20 73 43 telefonora deituz.