Poztasun handiz Ene Kantak taldearen ikuskizunera gonbidatu nahi zaituztegu, “Ene Kantak dantzan” hain zuzen ere. Ermitaberri Ikastetxe Publikoak antolatua, Erripagañako karpa finkoan ordu erdiko dantzaldi xumea eskainiko digute Enekok eta Nereak, otsailaren 18an, ostirala, arratsaldeko 18:00etatik aurrera.
Ospakizunak
Hezkidetzarako Inauteriak 2022
Ermitaberri Ikastetxe Publikoan, hezkidetza-eskola garen aldetik, metamorfosiaren garai hau
modu positiboan erabiltzeko asmoa dugu, eta gure ikasleak mozorroen bidez askatasunez
adieraztera gonbidatzen ditugu.
Aurten, Inauterien gaiaren bidez, historian zehar emakumeak izan duen papera aitortu nahi
izan dugu. Emakume erreginak, zientzialariak, margolariak, diseinatzaileak, astronautak eta
hegazkinlariak ere badaudelako.
Ikasmaila bakoitzak, horietako bat aukeratu du bere mozorroa inspiratzeko.
Agate Deuna 2022 – Argazkiak
Aurten Agate Deunaren bezpera ospatzeko ohiturari jarraipena eman diogu, iaz pandemia zela eta ezin izan genuen burutu eta. Ermitaberriko patioan , ikasle eta irakasleek elkarrekin abestu dugu.
Olentzero-Mari Domingi 2021 – Argazkiak
Aurten ere Olentzero eta Mari Domingi Ermitaberrira etorri zaizkigu. Segurtasun neurri guztiak hartuta, harrera berezia patioan egin diegu, gure dantza eta abesti hoberenak eskaini dizkiegu, Gero, taldez talde, gauza bera egin dugu eta, noski, opariak jaso ditugu ere. Hona hemen irudiak:
Ermitaberriko Inauteriak 2021 – Argazkiak
Eguraldia lagun izan ez dugun arren, Ermitaberriko Inauteriak ospatu ditugu. Antzerkia elkarrekin, denok batera, ezin genuenez ikusi, aldez aurretik grabatu dugu eta gelan ikusi. Ondoren, patioan dantza beti bezala egin ondoren, Birusa erre dugu Lukas erre ordez, aurtengo erruduna birusa izan dugu eta.
Aierbeko Birusa – Inauterietako antzerkia
Aurten ere Ermitaberrin Aierbeko Lukas-en epaiketaren antzerkia egin dugu 6. mailako ikasleen eskutik, baina beste errudun bat aurkitu dugu: Birusa. Antzerki honen estreinaldia mundura aurkezten dugu.