Ilusioz beteriko eguna izan genuen atzo, Mari Domingi eta Olentzero Ermitaberrira beste behin etorri ziren eta. Denon artean harrera berezia egin genien, gabon kantak abestuz eta dantzatuz.
Berriak
Olentzero-Mari Domingi 2019 – Egitaraua
Dakizuenez, abenduaren 20an, Ermitaberrin Olentzero eta Mari Domingiren etorrera ospatuko dugu. Ondoren, egun horretako egitaraua ikus dezakezue.
Burlatan zehar 13:10etik 13:45era egingo dugun Kalejiran parte hartzera gonbidatu nahi zaituztegu. Bertan, Lehen Hezkuntzako ikasleek hartuko dute parte. Honen ondoren, ikasleak eskolan sartuko dira Olentzero eta Mari Domingiri agurra emateko. Familiek kanpoan itxoingo duzue ikasleak atera arte.
Elikagai bilketa 2019
Urtero bezala, Burlatako Cáritas-ek, San Blas eta San Juan elizen bitartez, elikagaien bilketa kanpaina antolatu du Burlatan une larriak pasatzen ari diren familien artean banatzeko.
Gogoratu, batez ere eskatzen diren elikagaiak hauek direla: esnea, azukrea, arroza, olioa, eltzekariak (dilistak, txitxirioak, babarrunak…), kontserbak eta turroiak.
Janariak eskolako Atezaintzan bilduko ditugu abenduaren 17a arte.
Winter Time 2019: ingelesa ikastaroa
Hezkuntza Departamentuak Winter Time 2019 ingelesa ikastaroak antolatu ditu CNAI-ren bitartez. Ikastaroak haur Hezkuntzako 2. mailatik aurrera DBH-ko 2. maila arteko ikasleentzat daude zuzenduak eta Nafarroako herri desberdinetan izango dira (Iruña, Sarriguren, Olloki, Barañain, Tutera, Tafalla, Altsasu, Lizarra eta Gares).
Haurraren Eguna 2019 – Saridunak
2019ko Haurraren Eguna dela eta, Burlatako Udalak Marrazketa lehiaketa antolatu du Burlatako ikastetxeen artean. Ermitaberrin ikasle guztiekin parte hartu dugu, 3 urteko ikasleekin hasita Lehen Hezkuntzako 6. mailako ikasleak arte. Marrazki lehiaketan gure eskolako honako ikasleak saridunak izan ditugu, 968 lanen artean epaimahaiak aukeratu ondoren. Zorionak denei !!
Baserritar jantzien eta mozorroen Azoka
Aurten ere gure seme-alabak baserritarrez edo mozorroz jantzi behar ditugu Gabon eta Inauterietan.
Sarritan, jantziek ez dute balio izaten urte batetik bestera. Beraz, gastu gehigarri bat suposa dezake eta, familiok barneratua dugun arren, gastu hau “arindu” liteke jantzi eta osagarriak elkarri utziz, gutxi erabili arren, balio ez diguten arropak, tamainagatik, gustu aldaketagatik etab.
Arrazoi hau dela eta, eskolak azaroaren 25ean azoka antolatuko du bigarren eskuko baserritar jantziekin eta Joasikero mozorrekin.