Ermitaberri Ikastetxe Publikoa
Ermitaberri Ikastetxe Publikoa Burlatan euskarazko irakaskuntza dohainik eskaintzen duen eskola bakarra da.
Aurten ere 6. mailako ikasleekin Ipar Eski Kanpainan parte hartuko dugu. Zozketaren emaitzak baditugu jadanik, eta Ermitaberriko ikasleei egokitu zaien lekua eta astea hauexek dira:
Lekua: Izaba
Noiz: Urtarrilaren 27tik otsailaren 1era
Kontuan hartu Urtarrilaren 27a igandea dela.
Aurrerago xehetasun gehiago emango ditugu.
2008/2009 ikasturteaz geroztik, Nafar Gobernuak Lehen eta Bigarren Hezkuntzako testu liburuak finantzatu ditu. Doakotasun Programak testu liburuen eta lan koadernoen arteko bereizketa egiten du; horrela, testu liburuak Doakotasun Programan sartzen diren bitartean, lan koadernoak familiek erosi behar dituzte (Lehen Hezkuntzako 1. eta 2. mailetan ezik, ondoren azaltzen dugun moduan).
Maila bakoitzeko testu liburuak Ermitaberriren izenean erosten ditugu. Lehen Hezkuntzako 3. mailatik 6. maila arte, erosketa 5 ikasturtetarako egiten dugu eta denbora tarte honetan ikasleek testu liburuak maileguan berrerabiltzen dituzte. Horregatik, ikasleak ez du testu liburuan ezer ere idatziko eta ongi zaintzeko konpromisoa hartuko du. Ikasturte bukaeran testu liburua itzuliko du eta Ermitaberrin gordeko dugu hurrengo ikasturtean berrerabiltzeko. Testu liburua egoera txarrean itzultzekotan (edo ez balu itzuliko, noski), familiak bere kostea ordaindu beharko luke.
Lan koadernoak, aldiz, familiek erosiko dituzte; horren berri aurreko ikasturte bukaeran hemen eman genizuen.
Lehen Hezkuntzako 1. eta 2. mailetan, Doakotasun Programak ez du testu liburu eta lan koadernoen arteko bereizketarik egiten, material guztia “suntsikor” gisa hartzen delako. Izan ere, liburu hauek bertan idazteko pentsatuak daude berez eta, horregatik, Ermitaberrik urtero berriak erosten ditu ikasleei emateko. Familiek ez dute, beraz, ez testu libururik ezta lan koadernorik erosiko.
Gure seme-alaben ikasturtea hasi da eta horrekin batera formazioa!
Familia gehienetan kezkatzen gaituen gai batekin hasiko gara: nola lagundu gure seme-alabak sare sozialen erabileran. Gai hau gustuko baduzue, bertan izena eman dezakezue:
Data: 2018ko azaroak 14, asteazkena
Ordua: 17:00etatik 18:30era
Hizlaria: IÑIGO OCHOA DE ALDA. Psikologian doktorea. Familian terapeuta.
Lekua mugatua dago. Hitzaldia irekia baita beste ikastetxeen pertsonendako, Ermitaberriko Gurasoen Elkarteko bazkideek lehentasuna dutelarik.
HAURTZAINDEGI-ZERBITZUA
Antolatzailea: Ermitaberriko Gurasoen Elkartea (Burlata).
Zerrenda honetan 2018/2019 ikasturtean zehar egingo ditugun ekintza osagarri guztiak ikusgai dituzu. Ikasturtean zehar gerta daitezkeen aldaketak (datak, ekintza berriak, etab.) hemen argitaratuko ditugu.
Ibilbide osoa zeharkatzen duten hainbat kontzepturen inguruan egituratzen da SKOLAE: emakumeen eta nesken aurkako indarkeriak prebenitzea; emakumeak eta beren ekarpenak ikusgai egitea; identitate, kultura eta sexualitate-aniztasunarekiko errespetua; partaidetza soziala; eta berdintasuna gauzatzeko konpromiso partekatua.
Ermitaberri Ikastetxeak, iaz hartu zuen konpromiso horrekin jarraitzeko bidea hartuta, ikasturte honetarako plan hau gauzatuko dugu.
Sentitzen dugu berri txarrak izatea garraio zerbitzuaren inguruan, gure ikastetxeko 6 ikasle eta Hilarion Eslava eskolan 2 izan dira izena eman duten bakarrak.
Honen ondorioz, udaletxetik jaso dugun erabakia, zerbitzuaren martxan jartzea bertan behera gelditzen dela, 10 ikasleen gutxiengoa bete ez izatean.
Beraz, pasa den ikasturtean zehar egin diren ahaleginak ez dute bukaera onik izan.
Web orrialdean ageri den honen inguruko informazioa desagertuko da hemendik gutxira.
